Папа Франциско беше симнат од респиратор и синоќа беше во стабилна состојба, соопшти Ватикан.
Како што пренесува „Independent“, ова е знак дека ги пребродува можните компликации предизвикани од респираторната криза во петокот и дека неговото дишење се подобрува со текот на опоравувањето од пневмонија.
Папата и натаму добива дополнителен кислород со висок проток поради проблемите со кашлањето во петокот, што предизвика стравови од нова инфекција на белите дробови.
Лекарите во извештајот од недела навечер изјавиле дека папа Франциско останал стабилен, но повторно укажале на сложеноста на неговата вкупна состојба и ја задржале прогнозата како внимателна, нагласувајќи дека и понатаму не е надвор од опасност.
Папата се лекува во римската болница Џемели од 14. февруари.
