Орка, познат и како кит-убец, е еден од најсилните морски грабливци на врвот на ланецот на исхрана. Но, дали знаевте дека овие животни можат „да зборуваат“? Според магазинот Национална географија, орките можат да препливаат и до 65 км дневно. Овие фасцинантни животни имаат најголем мозок меѓу морските цицачи.
Според истражувањето објавено во 2018 година во списанието Proceedings of the Royal Society B: Biological Sciences, од Германија, Шпанија, Велика Британија и Чиле, било документирано дека орките можат да имитираат човечки јазик.
Џозеф Кол, професор на Универзитетот Сент Андрус и еден од авторите на студијата, објаснил дека истражувачите сакале да тестираат колку орките се флексибилни во имитирањето на звуците кои никогаш претходно не ги чуле.
„Мислевме дека најдобар доказ би бил да ги изложиме на нешто што не е дел од нивниот вокален репертоар. На пример, зборот „здраво“ дефинитивно не е нешто што орка природно би го изговорила“, рекол Кол за Гардијан.
Токму во текот на истражувањето, 14-годишната орка по име Вики прво била обучена да имитира звуци од своето бебе кит. Потоа, ѝ биле пуштани звуци од други орки кои таа никогаш претходно не ги слушнала. На крајот, таа била изложена на човечки зборови како „здраво“, „Ејми“, „ах ха“, „еден, два“ и „чао“.
Резултатите биле изненадувачки: Вики успеала брзо да репродуцира некои звуци, а дури и правилно да изговори две човечки зборови од првиот обид. И додека некои снимени обиди звучеле малку ужасно, други биле неверојатно прецизни, оставајќи ги слушателите фасцинирани.
И покрај нивната неверојатна способност да имитираат, научниците не пронашле докази дека орките ги разбираат значењата на зборовите што ги изговараат. Професорот Кол објаснил: „Иако нивната вокална морфологија е сосема различна од човечката, тие успеваат да произведат звуци кои се исклучително слични на нашите“.
