Европскиот центар за превенција и контрола на болести (ECDC) објави предупредување дека оваа бактерија, која до неодамна беа карактеристични за Балтичкото Море, сега поради климатските промени сè почесто се појавуваат и во Северното Море, па дури и во затворени капалишта низ Европа.
Vibrio бактериите живеат во приобални води каде се меша солена и слатка вода, а за нивно размножување погодни се високи температури и понизок салинитет – услови што сè почесто се среќаваат во Европа.
Како се пренесува болеста вибриоза?
Заразата најчесто се пренесува преку:
- консумирање на сурови или недоволно зготвени морски плодови, особено остриги
- капење во загадена вода со отворена рана или исеченица
Најзагрозени се лицата со ослабен имунитет и хронични заболувања на црниот дроб, кај кои инфекцијата може да доведе до сериозни компликации како сепса, инфекција на крвта, тешки воспаленија на меките ткива, па дури и ампутација.
Растечки број на инфекции
Иако овие инфекции се сè уште релативно ретки, ECDC предупредува на зголемување на бројот на случаи, особено во топлите летни месеци. Во текот на летото во 2018 година, кога беа измерени рекордни температури, беа забележани 445 случаи на вибриоза – тројно повеќе од просекот за периодот 2014–2017. Вистинскиот број на случаи, според експертите, веројатно е и поголем бидејќи дел од случаите не се пријавуваат.
Препораки за заштита
- Избегнувајте консумација на сурови школки и секогаш добро термички обработувајте ги морските плодови
- Не се капете во морска или боќата вода ако имате отворени рани, свежи исеченици или пирсинг
- Доколку не можете да го избегнете капењето, заштитете ги раните со водоотпорен фластер
- При појава на симптоми по капење или јадење морски плодови, веднаш побарајте лекарска помош
ECDC апелира до граѓаните да бидат внимателни и информирани за потенцијалните ризици поврзани со топлото морско време и зголемената појава на Vibrio бактерии.
