Рано утрово, Израел започна голема воена операција против Иран, официјално означена како „превентивен удар“. Израелскиот министер за одбрана, Израел Кац, потврди дека нападот е во тек, што доведе до драстична ескалација на тензиите на Блискиот Исток.
Поради страв од одмазда од Техеран, израелската влада веднаш прогласи вонредна состојба на целата територија. Разузнувачките служби предупредуваат дека во краток рок се очекува иранска реакција со дронови и балистички ракети насочени кон израелските градови. Граѓаните се во состојба на целосна готовност, а властите апелираат да останат во близина на заштитени простори и засолништа.
Во меѓувреме, медиумите известуваат за најмалку три силни експлозии во центарот на Техеран. Иранската новинска агенција Fars потврдува дека проектили погодиле дел од областа „Република“ во престолнината. Детали за жртвите и материјалната штета се уште немаат официјално потврдување, но нападите се во тек.
Во реакција на ескалацијата, Советот за безбедност на Обединетите нации свика итна седница во Њујорк вечерва во 22 часот. Седницата ја побараа Бахреин, Колумбија, Кина, Русија и Франција, а генералниот секретар на УН, Антонио Гутереш, повика на „тренутен прекин на непријателствата“ и осуди ја воената акција како закана за меѓународниот мир и безбедност.
Турција исто така апелира сите страни веднаш да ја прекинат агресијата и се понуди како посредник за смирување на конфликтот.
Саудиска Арабија потврди дека Иран го гаѓал Ријад и источниот дел на кралството, но нападите биле успешно одбиени. Белата куќа соопшти дека претседателот Доналд Трамп нема да одржи говор до нацијата за војна со Иран, иако САД започнале „големи борбени операции“ во Иран со цел заштита на американскиот народ и отстранување на непосредни закани од иранскиот режим.
Регионалната тензија расте, а аналитичарите предупредуваат дека Блискиот Исток се наоѓа на работ на поширок конфликт, со непредвидливи последици за дипломатските напори и безбедноста на цивилите.
