Надлежните служби апелираат до возачите да управуваат внимателно и да ја прилагодат брзината сè додека не се расчисти одронот и не се воспостави нормален сообраќаен режим.
Според информациите, сообраќајот на останатите државни патишта се одвива без пречки, по суви коловози. Надвор од градските средини, интензитетот на сообраќајот е умерен, а на граничните премини од македонска страна не се евидентираат подолги задржувања за влез и излез од државата.
Потсетување дека од 15 ноември 2025 година е на сила законската обврска за задолжително поседување зимска опрема во возилата, независно од временските услови.
Од АМСМ апелираат на внимателно управување, почитување на сообраќајната сигнализација и прилагодување на брзината, особено на делниците низ клисури, речни долини и котлини, каде постои зголемен ризик од одрони. Како критични се посочуваат правците Катланово – Велес, Маврово – Дебар – Струга, Виница – Берово и Кочани – Делчево.
Извор: 24инфо.мк
