Руски дронови синоќа ја нападнале областа Чугуев во Харковскиот регион. Според градоначалничката на Чугуев, Халина Минаева, во нападот била сериозно оштетена зграда на образовна установа, како и блиска станбена зграда.
„Уште една вознемирувачка ноќ и уште еден напад врз нашиот мирен град… Руски дронови удрија директно врз училиште“, напиша Минаева на Телеграм. Детали за можни повредени или жртви не се соопштени.
Русија: Оборени 32 украински дронови во текот на ноќта
Министерството за одбрана на Русија утрово соопшти дека руската противвоздушна одбрана (ПВО) обила вкупно 32 украински дронови во текот на изминатата ноќ.
Според официјалното соопштение, по 15 дронови биле соборени над Белгородската и Брјанската област, додека уште два биле неутрализирани над Смоленската област. Агенцијата РИА Новости пренесува дека нема информации за жртви или штети.
Бројот на жртви расте – ситуацијата ескалира
Иако бројките сè уште не се официјално потврдени, украинските и руските медиуми известуваат за растечки број на цивилни и воени жртви на повеќе фронтови. Локалните власти предупредуваат на зголемена фреквенција на дронски напади врз цивилна инфраструктура, што дополнително ја отежнува безбедносната и хуманитарна состојба во погодените региони.
