Google воведе ново лого за апликацијата Google Maps, со што ја продолжува серијата визуелни промени во брендирањето на своите сервиси.
Новото лого го задржува препознатливиот облик на мапата, но боите сега се поврзани со градиент ефект, наместо јасно одвоени како претходно. Промената веќе почна да се појавува на Android и iOS уредите, а корисниците ја забележаа по автоматско ажурирање на апликацијата.
Овој стил на градиент всушност е дел од поширок визуелен редизајн што Google го започна во мај 2025 година, кога тивко го промени и познатото „G“ лого. Наместо класичните четири одвоени бои, новата верзија ги спојува во постепен градиент.
По таа промена, компанијата постепено ги освежи и логата на други сервиси, меѓу кои Google Home и Google Photos.
Интересно е што во самата апликација Google Maps во некои случаи сè уште може да се појавува старото лого, што значи дека визуелната транзиција се воведува постепено.
Засега, освен новиот изглед на логото, нема други промени во функциите на апликацијата.
