Chemical Brothers – едно од најпознатите и најиновативните електронски дуа во светот – се враќаат со нивниот десетти албум For That Beautiful Feeling, објавен преку Virgin Records.
Насловот на албумот совршено ја сумира музиката. Снимен во сопственото студио на бендот, ова е албум кој го лови и го доловува тој див момент кога звукот ве обзема и речиси ве повлекува, но на крајот ви дозволува да се возите неговиот бран, до непознати дестинации. Тоа е албум што точно го означува моментот кога ќе изгубите секаква контрола, каде што се предавате и дозволувате музиката да ве движи.
Секоја песна на For That Beautiful Feeling е родена од желбата да се најде тој момент како од студиото песната да се пренсе на подиумот. Како резултат на тоа, тоа е збирка од музика која е живописно колоритна и самоуверена и длабоко психоделична; невозможна убавина издлабена од бучава и хаос и бескраен флуиден ритам.
Десеттиот албум на дуото потекнува и е создаден за тоа прекрасно чувство – таа трансцендентна состојба што ја предизвикуваат Chemical Brothers како никој друг во модерната музика. Тоа е The Chemical Brothers во нивното најдобро издание.
For That Beautiful Feeling веќе собра огромен број позитивени оценки. Обсервер напиша: „The Chemical Brothers продолжуваат таму каде што застана No Geography од 2019 година, со бесмислена реафирмација на најголемата сила на танцовото дуо – правејќи главно инструменталениот психоделичен хаус и техно некако да звучат како поп музика. Тоа убаво чувство мора да биде чисто задоволство“.
„Тајмс“ напиша: „Chemical Brothers – по 30 години во бизнисот – цврсто одбиваат да станат дуо кое настапува на стара слава. Со овие 90 минути тие обезбедија уште една генерација фанови“.
Извор: U Discover Music
