Снимањето телефонски разговори директно преку паметен телефон, без користење надворешни апликации, наскоро ќе стане достапно и на Android уредите во Германија. Google ја најави функцијата уште во септември 2025 година, а моментално таа е во бета-фаза на тестирање. Сепак, корисниците во Германија мора да бидат особено внимателни, бидејќи користењето на оваа опција без знаење на соговорникот е незаконско.
По одлуката во 2022 година да ги отстрани надворешните апликации за снимање повици од Play Store, Google сега ја интегрира функцијата директно во својата апликација „Телефон“. Опцијата веќе е забележана кај поновите модели како Pixel 10 Pro и Pixel 8, а се очекува да биде достапна и кај други производители што користат Android 9 и понови верзии.
Функцијата овозможува рачно снимање со притискање на копчето „Сними“ за време на разговорот, како и автоматско снимање на повици од непознати броеви или одредени контакти. Снимките се зачувуваат исклучиво на самиот уред, без складирање на cloud, а постои и можност за автоматско бришење по одреден временски период.
Нова функција на Android телефоните во Германија носи ризик од затвор до три години
