Нов земјотрес попладнево ги вознемири скопјани, соопштија од Сеизмолошка опсерваторија при Природно-математичкиот факултет во Скопје.
Земјотресот бил регистриран вечерва во 18:44, со епицентар 25 километри северозападно од Скопје.
Според податоците, земјотресот бил со јачина од 2,5 степени според Рихтеровата локална магнитуда.
„Според досегашните податоци со кои располага опсерваторијата, земјотресот е почувствуван во градот Скопје и северозападните делови на Републиката со интензитет од III степени според Европската макросеизмичка скала“ велат од Сеизмолошката опсерваторија.
Ова е втор земјотрес во изминатите 24 часа почувствуван во главниот град по тој синоќа пред полноќ.
