Норвешката влада објави дека ќе ја снабди Украина со системи за воздушна одбрана во вредност од седум милијарди норвешки круни (696,12 милиони американски долари).
„Заедно со Германија, ќе обезбедиме Украина да добие моќни системи за противвоздушна одбрана“, рече премиерот Јонас Гар Сторе. „Германија и Норвешка тесно соработуваат за да ја поддржат Украина во нејзината борба за одбрана на својата земја и заштита на цивилното население од руските воздушни напади“, додаде тој.
Двете земји финансираат два системи „Патриот“, вклучувајќи и ракети.
Норвешка, исто така, ќе придонесе за купување на радар за воздушна одбрана од германскиот производител „Хенсолдт“ и систем за воздушна одбрана од „Конгсберг“.
