Актерот Никола Која се огласи на Инстаграм по повод актуелните настани во земјата и испрати порака до „членовите на БИА, полицајците, црните капчиња, обвинителите, судиите и сите останати волни или неволни соработници на окупаторот на сопствениот народ”.
„По сите овие покољи кои се случија за време на лудиот поход на дивата хорда врз ова опустошено земја, се надевам дека разбирате дека „само ја работев својата работа“ не може да ве аболицира? И никогаш не можело. Размислете добро кога вашата мајка, сестра, татко, брат или било кој ваш ќе седне на клупа под некоја натстрашница. Или ќе преминува пешачки… Или ќе застане на наплатна рампа… Или ќе мисли поинаку…“, напиша Која.
Тој повика да „размислат добро, дали заради трошки од масата кои им ги фрлаат разбојници – вреди да ги држат рацете и нозете на сопствениот народ, додека ги убива џелатот“.
А сѐ во корист на системот што го создадоа, и кој служи само за нивното болно, незаситно грабањена сѐ. Тие со ваша помош продолжуваат и нема да запрат. Ако не разбирате во што учествувате, ќе гледате како не убиваат нас (прикажани како ваши непријатели), па потоа вашите мајки, сестри, браќа, татковци, роднини, пријатели… и на крај вас. Тоа е редоследот што никогаш не се променил кај овие злосторници на ниту еден крај на планетата. А овие нашиве се некако најнапредни. Ќе се видиме. Се надевам, на истата страна“, заврши тој.
