Лебот е неопходна храна во многу домаќинства, бидејќи правиме од сендвичи, па се до прилози со чорби, препечени парчиња за салати. Но негова слаба страна е што има краток рок на траење.
Јасен знак дека вашиот леб е „застарен“ е кога на него ќе почне да се појавува мувла, која личи на мали црни точки придружени со зелени нијанси кои не само што воопшто не изгледаат привлечно, туку и му даваат на лебот бајат, препознатлив мирис.
Дали е во ред да се отсече мувлосаниот дел и да се продолжи да се јаде лебот?
Дали е безбедно едноставно да се отсече мувлосаниот дел и да се јаде остатокот од лебот и како да се одржува свеж. Ваквата дилема за Express ја открива Сара Тејлор, експерт за безбедност на храна во High Speed Training.
„Мувлосаниот леб генерално е најдобро да се фрли бидејќи мувлата најверојатно ќе се шири низ лебот пред да биде навистина видлива“, рече таа.
Меѓутоа, за да се продолжи рокот на траење на лебот, клучно е правилното складирање.
„За лебот да остане посвеж подолго, најдобро е да го чувате покриен“, рече Сара Тејлор, додавајќи дека без разлика дали користите посебен сад за леб, зиплок торбичка или оригинално пакување, целта е да се одржи ладна и сува средина.
Влагата го забрзува развојот на мувла.
„Ако лебот е спакуван во пластична амбалажа, може да се „испоти“ во топла средина, предизвикувајќи акумулација на влага во внатрешноста на пакувањето. Треба да користите специјални кутии за леб или херметички кеси за да го избегнете ова, но ако немате друга опција, тогас складирајте го лебот на ладно, „Сув плакар може да го забави процесот“, рече таа.
Друга добра опција е да го ставите лебот во микробранова печка – ова го спречува воздухот да влезе и одржува константно ниво на температура и влажност.
Сепак, таа рече дека лебот никогаш не треба да го чувате во фрижидер.
„Тоа е затоа што студените услови во фрижидерот ќе ја поттикнат рекристализацијата на скробот, предизвикувајќи лебот да развие застарен вкус и текстура“, рече таа.
Ако јадете малку леб и често имате многу остатоци, подобра опција е да го замрзнете – така ќе го спречите формирањето на мувла, а лебот ќе остане за јадење кога ќе го одмрзнете.
