Кога планирате да почнете да се храните здраво, лебот е често една од првите намирници што сакате да ги елиминирате од вашата исхрана. Но, кога станува збор за јаглехидратите, житарките едноставно не се исти, и додека откажувањето од бел леб може да ви помогне да ослабете неколку килограми, отстранувањето на лебот всушност може да го осиромаши вашето тело од многу потребните хранливи материи.
Чудни сигнали се појавуваат кога се обидувате да се откажете од некоја навика, но ако одлучите да се откажете од лебот, имајте ги на ум овие шест.
- Може да почувствувате грчеви во нозете
Луѓето кои се обидуваат да ослабат се спремни да експериментираат со тоа колку низок може да биде внесот на јаглехидрати, но целосното откажување од леб всушност може да има некои непријатни несакани ефекти. Ако планирате да се држите до кето диета, што значи речиси целосно елиминирање на лебот и другите јаглехидрати, поголема е веројатноста да доживеете грчеви во нозете. Овие болни контракции обично се јавуваат ноќе и можат да траат од неколку секунди до минути. Лебот е богат со електролити, а кога вашето тело не добива доволно од овие есенцијални хранливи материи, тоа може да доведе до мускулни грчеви.
- Може да се чувствувате уморни
Иако белиот леб не е најздравиот начин да внесете доволно јаглехидрати, јадењето леб од цело зрно и леб од ‘ртени зрна ќе му даде на вашето тело повеќе енергија. Бидејќи се богати со растителни влакна, железо и магнезиум, овие намирници ќе ви помогнат да се чувствувате сити и полни со енергија, па дури може да ви помогнат да добиете доволно енергија за да одите во теретана по напорниот ден на работа.
- Вашата желба за шеќер може повторно да се разбуди
Бидејќи лебот се користи за енергија, целосното откажување од него значи дека ќе мора да најдете друг извор на енергија на друго место. Кога се чувствувате уморни и исцрпени, природно посегнувате по храна што може брзо да ви даде енергија, како што се слатки и засладени пијалоци. Иако јадењето леб во умерени количини нема да ве натера да се здебелите, јадењето колачиња и чоколадо секогаш кога се чувствувате лошо сигурно може.
- Одењето во тоалет може да биде потешко
Откажувањето од обичен бел леб можеби не е голема работа, но отстранувањето на интегрален или ‘ржан леб всушност може да ве натера да поминувате повеќе време во тоалет. Лебот од цело зрно е богат со растителни влакна, кои помагаат во варењето на храната и се покажа дека делува подобро од лаксативите за ублажување на запекот.
- Промените во расположението може да се влошат
Ако некогаш сте почувствувале дека ништо не може да ви го подобри расположението побрзо од парче пица, всушност постои научно објаснување за тоа. Јадењето јаглехидрати ослободува хемикалија наречена серотонин, која е одговорна за тоа да се чувствувате добро, па дури може да го потисне и апетитот. Ова значи дека јадењето здрави јаглехидрати повремено всушност може да го подобри вашето расположение и да го елиминира гладот.
