Витаминот Б-12 (кобаламин) игра важна улога во формирањето на црвените крвни зрнца, клеточниот метаболизам, нервната функција и производството на ДНК, молекулите во клетките кои носат генетски информации. Витаминот Б-12 го има во живината, рибата и млечните производи.
Благ недостаток на витамин Б-12 е доста чест, предизвикувајќи замор, отежнато дишење, дијареа, нервоза, пецкање во рацете и нозете, додека тешкиот недостаток на витамин Б-12 предизвикува невролошки оштетувања, а понекогаш и депресија.
Се верува дека има голем број луѓе кои страдаат од благ недостаток на овој витамин без воопшто да се свесни за тоа. Недостатокот на витамин Б-12 во подолг временски период може да предизвика голем број физички и ментални здравствени проблеми.
Луѓето кои следат вегетаријанска или веганска исхрана може да бидат склони кон недостаток на овој витамин, бидејќи растителната храна не содржи витамин Б-12. Постарите луѓе и луѓето со проблеми со дигестивниот тракт, поради намалената апсорпција на хранливи материи, исто така се подложни на недостаток на витамин Б-12.
Ако не се лекува, недостатокот на овој витамин може да доведе до анемија, замор, мускулна слабост, цревни проблеми, оштетување на нервите и нарушувања на расположението. Препорачаната дневна количина на витамин Б-12 за возрасни е 2,4 микрограми.
Кај болестите на срцето и крвните садови, истражувачите претходно веруваа дека витаминот Б-12, во комбинација со фолна киселина (витамин Б-9) и витамин Б-6, може да спречи болести на срцето и крвните садови со намалување на нивото на амино киселина во крвта (хомоцистеин). Сепак, студиите покажуваат дека комбинацијата на овие витамини не го намалува ризикот од кардиоваскуларни болести и мозочен удар.
Недостатокот на витамин Б-12 е поврзан со деменција и ниска когнитивна функција, но не е јасно дали додатоците на витамин Б-12 можат да помогнат во спречување или лекување на деменција.
„Недостатокот на овие есенцијални хранливи материи може да доведе до проблеми со меморијата, конфузија или когнитивни промени, чувство на вкочанетост во рацете. Витаминот Б-12, кој се наоѓа во производите од животинско потекло како месото, сирењето и јајцата, е клучна хранлива материја. Затоа, неговиот недостаток е почест меѓу веганите и вегетаријанците“, вели д-р Џејмс Донован.
Што предизвикува недостаток на витамин Б-12 во телото?
„Доколку имате симптоми како што се заборавеност, постојано чувство на замор и слабост во телото, трнење во екстремитетите, сето тоа може да биде знак за недостаток на витамин Б-12. Можно е да не внесувате доволно од овој витамин во вашето тело или да не се апсорбира правилно во телото. Најчесто, недостатокот на овој витамин влијае на старите луѓе“, вели д-р Донован.
