Денес речиси еден од десет студенти во земјите на ЕУ доаѓа од странство. Вкупно, околу 1,8 милиони студенти од други земји се запишани на високообразовни студии низ блокот, вклучувајќи додипломски и последипломски програми.
Меѓу земјите на ЕУ, Луксембург има највисок процент на странски студенти (52,3%), по него следуваат Малта со 29,6% и Кипар со 22,3%. Најниски проценти се забележуваат во Грција (3,0%), Хрватска (3,7%) и Шпанија (4,3%).
Азијци најмногу студираат во Германија
Повеќето странски студенти потекнуваат од други европски земји, но постојат и исклучоци. На пример, студентите од Азија претставуваат најголема група во Ирска (45,0%), Финска (43,35%), Германија (40,1%) и Италија (36%).
Најголемиот број азиски студенти во ЕУ (169.827) ја избрале Германија за студии, додека во Турција нивниот број е уште поголем – 213.922.
Африканците најбројни во Франција и Португалија
Во Франција има околу 145.000 африкански студенти, а во Португалија околу 24.000, што претставува 52%, односно 42% од сите странски студенти во овие земји.
Во Шпанија најголемиот дел од странските студенти (46,7%) доаѓаат од Карибите, Централна и Јужна Америка. Во останатите 20 земји на ЕУ, најголемата група на странски студенти се Европејци.
Највисок процент на европски странски студенти има во: Словачка (91,3%), Словенија (89,4%), Хрватска (89,0%)
