Утре во 12 часот ќе се одржи настанот МСУ водич и како пропратен настан Матине дружење со диџеј сет на Дарко Марковски.
Со кустосот водич Бојана Јанева посетителите ќе можат да ги погледнат двете новоотворени изложби:
Интернационалната изложба „Настан од една нишка: Глобални наративи во текстил“, организирана oд Институтот за меѓународни односи во културата (ИФА) и МСУ-Скопје, а курирана од Сузан Вајс, Инка Гресел и Јованка Попова и Самостојната изложба „Линијата што избледнува: Приказни на работ на легалноста“ на Албан Муја. Куратор на поставката е Владимир Јанчевски.
Отворена за посетители е и изложбата „Аквизиции – Донации 2022-2023“. Кураторка на изложбата е Ива Димовски.
Веднаш потоа во 13 часот, како пропратен настан се организира Матине со диџеј сет.
Настанот се реализира со поддршка на пријателите на МСУ – Тиквеш и Heineken
