Со 88 години, повеќе од 100 филмови зад себе и глас што публиката веднаш го препознава, тој зборува за тоа како е „ограбен“ од вештачката интелигенција, за времето со Нелсон Мандела, и зошто не верува во Месецот на црнечката историја – ниту планира пензија.
Гласот што го направи вечен
Фримaн признава дека неговиот препознатлив баритон не е божји дар, туку резултат на упорна работа.
„Ако ќе зборуваш – зборувај јасно, заврши ги согласките и вежбај да го спуштиш гласот,“ го советувал неговиот професор Роберт Витман.
Сега, сепак, неговиот глас повеќе не е само негов. Со развојот на вештачката интелигенција, некои компании го користат без дозвола.
„Како и секој актер, не сакам да ме имитираат со лажност. Ако тоа го прават без мене – ме ограбуваат,“ вели тој, додавајќи дека неговите адвокати веќе поднеле неколку тужби.
Од затворениците во „Shawshank“ до ликот на Бог
Фримaн вели дека е благодарен што го паметат по „The Shawshank Redemption“, филм кој првично не успеал во кино-салите, но станал култен преку VHS.
„Тоа е филм за љубовно пријателство меѓу двајца мажи, за надеж и искупување. Луѓето го носат во срцето.“
Од таму, неговиот авторитетен лик го води до улоги на Бог, претседатели и Мандела.
„Кога играв Бог, луѓето навистина го прифатија тоа. Влегувам некаде и велат: ‘Бог штотуку влезе’. Си велам – полека, не претерувајте,“ се смее тој.
Средбата со Мандела
Во филмот „Invictus“ (2009), Фримен го глумеше Нелсон Мандела, кој лично сакал токму тој да го толкува ликот.
„Му реков дека ќе морам да му бидам блиску, да го слушам, да го гледам. Тој ми го овозможи тоа. Кога го проектиравме филмот, само рече: ‘Можеби сега ќе ме запомнат’. Тоа беше Мандела – скромен и ист и во затвор и надвор.“
Против вештачките актери и „црнечкиот месец“
Фримaн ја отфрла идејата за вештачки актери, сметајќи дека тоа е закана за уметноста.
„Никој не сака нешто што не е реално. Тоа го одзема местото на вистинските актери.“
Исто така, повторно изрази несогласување со Месецот на црнечката историја:
„Не верувам во тоа. Тоа нè одвојува од американската историја. Јас сум Црнец, но не сум Африканец – и тоа е доволно.“
„Немам намера да се пензионирам“
И покрај долгогодишната кариера, Фриман не размислува за пензија.
„Понекогаш ќе помислам, можеби е време да се повлечам, но штом агентот ми каже дека има нова улога – сè се враќа. Апетитот е сè уште тука,“ вели актерот.
Неговиот најнов филм „Now You See Me: Now You Don’t“ пристигнува во кината на 14 ноември 2025 година.
Извор: The Guardian
