Повеќе од 10.000 луѓе се собраа вчера на Плоштадот на победата во Букурешт на проевропски митинг во знак на поддршка за “почитување на европските вредности”.
“Секоја желба Романија да се оддалечи од Европската унија би се совпаднала со директно свртување кон Руската Федерација, што би го поништило долгогодишниот напор на милиони Романци за демократија и просперитет, за слобода и еднакви можности”, соопшти проевропската група „Евроманифест“, која е еден од организаторите на собирот.
Неколку патишта се затворени и воведени се сообраќајни рестрикции, пренесува романскиот портал Digi 24.
Демонстрантите формирале срце од сини листови, како знамето на ЕУ, кои ги осветлувале со своите мобилни телефони, а во позадина се слуша “Ода на радоста”, химната на ЕУ, а присутните скандирале “Европа – Европа”.
Повеќе од 200 луѓе со знамиња на Романија и Европската унија учествувале на митингот “Евро манифест” во румунскиот град Јаши, скандирајќи, меѓу другото: “Демократија, а не тиранија”, “Не на екстремизмот”, “Романија е паметна, ние не гласаме за крајната десница”, “Сакаме да бидеме во Европа, а не во средниот век” и “Путин сака да не раздели, Европа нѐ поддржува”.
Протестот траел повеќе од еден час и завршил без инциденти.
Во близина на демонстрациите се идентификувани поддржувачи на Калин Ѓорџеску, кандидат од крајната десница на минатогодишните претседателски избори во Романија, соопштила е Жандармеријата, која исто така апелирала до учесниците на демонстрациите да не реагираат на провокации од политичките противници.
(Танјуг)
