Нападите врз Киев започнале рано утрината. Според украинските власти, Русија лансирала 430 дронови и 18 ракети, а Зеленски го опиша овој напад како најмасовен врз главниот град од почетокот на војната. Штета е пријавена во осум од десетте градски окрузи.
„Живееме на вториот кат. Го спуштив детето низ прозорец. Мојот син има 14 години. Прво него го спуштив, а потоа и јас скокнав“, изјави Ина Висоцка, жителка на уништена зграда.
„Мојот стан е таму, до оној каде што виси завеса. Една соба целосно исчезна. Бев во неа – беше поплавена и изгорена“, сведочи Роман Коберник, друг станар на оштетениот објект.
Украински ракетни одговори
Зеленски соопшти дека украинските сили ноќта употребиле крстосувачки ракети со долг дострел „Long Neptune“ против цели во Русија. Објави и црно-бел видео-снимак на лансирање ракета, за кој агенцијата Ројтерс не можеше да потврди каде и кога е снимен.
Русија, пак, тврди дека пресретнала повеќе од 200 украински дронови. Во нападите биле ранети четири лица, а во Новоросијск биле оштетени објекти, складиште за нафта и еден брод. Локалните власти прогласија вонредна состојба и обезбедија привремен сместувач за погодените. Украинската армија тврди дека погодила и складиште за нафта на Крим.
Неповолна дипломатска клима
Судбината на мировниот самит инициран од американскиот претседател засега останува неизвесна. Москва соопшти дека разговорите меѓу рускиот министер за надворешни работи и американскиот државен секретар ќе продолжат.
Извор: N1info.rs
