„Мирот станува можен за Израел, за Газа и за целиот регион“, изјави Макрон, додавајќи дека меѓународната заедница треба да го искористи моментот за обновување на преговорите и за трајно политичко решение.
Францускиот претседател ја повтори поддршката за напорите на дипломатите и посредниците кои работат на договори за размена на заложници и прекин на огнот. Според него, ослободувањето на цивилите е предуслов за создавање доверба меѓу страните и за започнување поширок мировен процес.
Ослободувањето на заложниците се случува по повеќемесечни интензивни преговори и посреднички напори на неколку држави, вклучително и Катар и Египет, во обид да се стави крај на насилствата што траат од почетокот на конфликтот.
