Македонскиот аниматор и режисер Крсте Господиновски повторно со значајно меѓународно признание, откако неговиот краткометражен анимиран филм „Неми Филмови“ беше вклучен во ексклузивниот избор на „Animation Magazine“ за најистакнати анимирани кратки филмови на 2025 година.
Во својот осврт „Избор на познавачот: Субјективен критички преглед на најдобрите кратки анимирани филмови за 2025 година“ (Connoisseur’s Choice: A Highly Subjective Guide to the Top Animated Shorts of 2025), реномираниот автор, критичар и долгогодишен уметнички директор на Меѓнародниот фестивал за анимиран филм Отава (Ottawa International Animation Festival), Крис Робинсон, го издвојува „Неми Филмови“ како едно од највредните и уметнички најистакнати дела на годината.
Во анализата на најистакнатите филмови на 2025 година, Робинсон го издвојува „Неми Филмови“ како дело што се истакнува по својата визуелна изразност, атмосфера и авторска зрелост. Тој го препознава уникатниот пристап на Господиновски во обликувањето на емоционален и суптилен свет, создаден преку прецизна stop-motion естетика и внимателно развиена визуелна нарација.
Робинсон, кој важи за едно од највлијателните имиња во светот на независната и уметничка анимација, е познат по својата способност да ги препознае и поддржи уникатните визуелни стилови и авторски визии. Затоа, вклучувањето на филмот на Господиновски во неговата листа претставува значајна потврда за квалитетот, оригиналноста и интернационалната релевантност на „Неми Филмови“.
Ова признание уште еднаш го позиционира филмот — и неговиот автор — на светската мапа на современата анимација, отворајќи нови можности за фестивалски настапи, дистрибуција и меѓународна соработка.
Текстот во оригинал може да го видите на следниов линк: https://www.animationmagazine.net/2025/11/connoisseurs-choice-a-highly-subjective-guide-to-the-top-animated-shorts-of-2025/?
