Претставниците на УСС-УКИМ со значајна посета на водечките универзитети во регионот
Претставниците на Универзитетското студентско собрание на УКИМ – Марија Шоповска, Кристијан Сар и Александар Николовски – посетија два од водечките универзитети во регионот: Универзитетот во Белград и Универзитетот во Нови Сад.
Во рамките на посетата, реализирани се средби со:
- Марко Старовиќ, заменик-претседател на националното студентско тело на Србија (СКОНУС),
- Дамјан Вакањац, претставник на Универзитетскиот парламент во Нови Сад, и
- Ана Грчиќ, студент-проректор на Белградскиот универзитет.
Претставниците на УСС-УКИМ учествуваа и на МЕКСТ конференцијата, еден од најголемите настани за образование и туризам во регионот, каде се поврзаа со студенти и професионалци со цел заедничко унапредување на знаењето и практиките.
Тие присуствуваа и на студентски протест, каде дадоа силна поддршка за борбата против секоја форма на угнетување на студентскиот глас, истакнувајќи дека студентите секогаш треба да бидат слушнати.
Посетата е дел од Програмата за работа на УСС-УКИМ за академската 2024/25, со цел собирање искуства за унапредување на студентскиот стандард и квалитетот на високото образование во Македонија.
„Од студентите, за студентите!“ – УСС-УКИМ продолжува да се залага за подобро студентско организирање и повисок квалитет во образованието.
