Меѓународната агенција за атомска енергија (МААЕ) соопшти дека открила нови траги од удари врз иранските нуклеарни објекти Фордо и Натанс, како и можна локализирана радиоактивна контаминација и хемиски ризици.
Во официјалното соопштение на агенцијата се наведува дека по новите напади врз Фордо, кои се случиле рано во понеделникот, откако САД извршија бомбардирање во неделата, идентификувани се оштетени пристапни патишта во близина на подземниот комплекс, како и еден од главните влезови во објектот.
Што се однесува до локацијата Натанс, МААЕ потврди дека открила две дупки од удари во зоната над подземните хали каде што претходно се вршело обогатување на ураниум и се чувале нуклеарни материјали.
„Врз основа на нашите сознанија за тоа што содржеле тие простории, се проценува дека ударите можеле да предизвикаат локализирана радиоактивна контаминација и **потенцијална хемиска опасност“, стои во соопштението на агенцијата, кое го пренесе и Times of Israel.
МААЕ претходно ја потврди информацијата за удари на чувствителни нуклеарни локации, нагласувајќи дека ситуацијата е предмет на понатамошно следење.
