И покрај изјавата на американскиот државен секретар Марко Рубио, кој сугерираше дека САД може да се откажат од посредувањето доколку не се постигне напредок, британската влада повтори дека останува посветена на изнаоѓање пат кон прекин на огнот во Украина.
– Договорено е многу наскоро повторно да се сретнеме со партнерите од Е3, САД и Украина, за да најдеме начин да постигнеме прекин на огнот и целосен, одржлив мир, изјави портпарол на британската влада за Скај Њуз.
Е3 е неформална безбедносна група составена од Велика Британија, Франција и Германија, основана во 2003 година за време на кризата во Ирак, а подоцна се фокусираше на иранската нуклеарна програма.
