Започнува проектот “LAKESCAPE, мрежа за креативна обнова на езерските предели“, едногодишен проект поддржан од програмата Креативна Европа, кој се спроведува во партнерство помеѓу организации од Шведска, Унгарија и Македонија, претставувајќи ги трите големи европски езера: Ванерн, Балатон и Охридското Езеро.
Проектот тестира креативно-базирани методи за придонес кон обновување на езерските екосистеми и заедници во руралните региони, истражувајќи ја улогата на уметноста и културата во промоција на здрави езерски екосистеми и заедници низ Европа.
„Цел на проектот е да изградиме капацитет и да поддржиме занаетчиски и дизајнерски дела на 12 европски креатори, користејќи методи на производство што се во рамнотежа со природата, инспирирани од принципите на биосферските резервати. Да изложиме креативни дела пријателски кон езерската околина и да развиеме концепт за европски пловечки пазар, кој ќе едуцира за еколошка одржливост преку креативна практика и ќе ја зајакне културната живост на езерските заедници. Да инспирираме и популаризираме креативна употреба на природното и културното наследство на големите езера како одржливи и достапни ресурси за иновации. За таа цел, до 12 мај ги покануваме заинтересираните занаетчии и дизајнери да се пријават на отворениот повик https://lakescape.eu/opencall “ велат организаторите.
Развивање на сопствена линија на дизајн инспирирана од животот околу езерата и обновливите ресурси од езерската средина, кратка резиденција во еден од трите езерски градови: Лидчепинг, Струга или Барнаг,
учество на пловечкиот пазар Lakescape на езерото Ванерн и презентација на нивното пазарно-подготвено дело во Лидчепинг, Шведска, на 15–16 август 2025 година. Исто така ќе има можност за продажба на своите дела преку Lakescape е-продавницата и претставување во каталогот на проектот што ќе се дистрибуира до потенцијални купувачи и културна публика низ цела Европа.
Како поддршка за заинтересираните апликанти и пошироката публика што сака да дознае повеќе за проектот и можностите за вклучување, нашиот партнер Pro Progressione организира ОТВОРЕНО ПРЕДАВАЊЕ на 5 мај во 18.00 часот (ЦЕТ).
Повеќе информации за предавањето можете да најдете на настанот на Фејсбук:
https://www.facebook.com/share/1DWViY5QyK/ и да се регистрирате на следниот линк:
https://forms.gle/ya2XvVE2UXdhcNc36
