Универзумот може да доживее катастрофа која целосно би ја променилa неговата структура, покажале научниците користејќи квантна машина. Револуционарната симулација им овозможила на научниците да го разберат подобро феноменот кој би можел целосно да ја промени структурата на универзумот – и за кој се уште се знае многу малку.
Пред околу 50 години, квантни физичари сугерирале дека универзумот може да биде заробен во таканаречен лажен вакуум, каде што изгледа стабилен, но наскоро може да се премести во вистински вакуум и да биде уште стабилен. Тоа би можело да доведе до целосна промена на структурата на универзумот. Но, научниците знаат многу малку за тоа – вклучувајќи дали тоа ќе се случи, кога и колку долго може да трае.
Сега истражувачите користеле квантна машина за подобро да го разберат процесот на лажно распаѓање на вакуумот. Овој процес е поврзан со самите почетоци на универзумот и може да ја осветли и почетокот и крајот на космосот.
„Говориме за процес во кој универзумот целосно ќе ја промени својата структура,“ изјавил Златко Папиќ, од Универзитетот во Лидс, главниот автор на новата работа.
„Основните константи може веднаш да се променат и светот каков што го познаваме ќе се сруши како куќа од карти. Она што ни треба се контролирани експерименти за да го набљудуваме овој процес и да ги определиме неговите временски скали.“
Научниците користеле одреден вид квантна машина за да симулираат како се однесуваат меури во лажен вакум. Формирањето на тие меури и начинот на кој потоа се шират и меѓусебно дејствуваат, може да биде почеток на процесот на лажно распаѓање на вакумот.
Истражувачите успеале да ја конфигурираат моќната квантна машина за да ја претстави лажната вакумска состојба. Тие потоа можеле да го контролират системот да се движи од лажен во вистински вакум, следејќи го процесот на мала и кратка скала за да го разберат подобро на скала на универзумот.
Овој феномен може да се спореди со ролеркостер кој има неколку падови долж својата патека, но само едно „вистинско“ најниско ниво, на ниво на земјата, рекол Жан-Ив Десоле, коавтор на работата.
„Ако е тоа навистина така, квантната механика би му овозможила на универзумот да тунелира на крај во состојба на најниска енергија или „вистински“ вакум и тој процес би резултирал со катастрофален глобален настан,“ пишува Independent.
