Илјадници демонстранти низ Иран беа убиени во текот на изминатите три недели, што го натера американскиот претседател Доналд Трамп постојано да се заканува со воена интервенција. Трамп повика на крај на 37-годишното владеење на врховниот лидер на Иран, ајатолахот Али Хамнеи. Врховниот лидер Иранаи јавно призна за прв пат дека илјадници луѓе се убиени, „некои од нив на нехуман, дивјачки начин“, за време на неодамнешните протести во земјата.
Ирански функционер во регионот на Блискиот Исток денес изјави дека властите на земјата потврдиле дека најмалку 5.000 луѓе се убиени во протестите, вклучувајќи околу 500 припадници на безбедносните сили. Функционерот, кој зборуваше под услов да остане анонимен, за Ројтерс изјави дека некои од најтешките борби и најголем број смртни случаи се случиле во областите населени со Курди во северозападниот дел на Иран, каде што судирите за време на протестите беа меѓу најнасилните.
Претседателот на Соединетите Американски Држави, Доналд Трамп, повика на крај на 37-годишното владеење на врховниот лидер на Иран, ајатолахот Али Хамнеи.
„Време е да се бара ново раководство во Иран“, изјави Трамп за американскиот портал Политико, во време кога широките протести против иранскиот режим ослабнаа.
„Најдобрата одлука што некогаш ја донело иранското раководство беше да не се погубат со бесење повеќе од 800 луѓе пред два дена“, рече Трамп кога беше прашан за обемот на можна воена операција на САД во Иран.
Коментарите на Трамп дојдоа кратко откако Хамнеи објави серија непријателски пораки упатени кон Трамп на својот профил на X Network, обвинувајќи го американскиот претседател дека е одговорен за смртоносно насилство и немири во Иран.
Врховниот лидер на Иран, ајатолахот Али Хамнеи, јавно призна за прв пат дека илјадници луѓе се убиени, „некои на нехуман, дивјачки начин“, за време на неодамнешните протести во земјата. Но, Хамнеи ги обвини Соединетите Американски Држави за нивните смртни случаи, објавува Би-Би-Си.
За време на својот говор, Хамнеи, исто така, рече дека Иран го смета американскиот претседател Доналд Трамп за „криминалец“ и дека САД мора да бидат „одговорни“ за неодамнешните демонстрации. Тој на социјалните мрежи тврдеше дека „целта на Америка е да го проголта Иран“.
Денес, Иран почна постепено да ги укинува строгите ограничувања за комуникации што беа воведени за време на масовните антивладини протести, објавува иранската агенција Фарс, наведувајќи дека властите ја вратиле можноста за испраќање СМС-пораки низ целата земја како дел од фазен план, по осум дена речиси целосно блокирање на интернетот. Службениците, според Скај њуз, изјавија дека одлуката е донесена по, како што наведоа, „стабилизираната“ безбедносна ситуација и апсењето на клучни членови на „терористички организации“ поврзани со насилство за време на протестите што избувнаа на 28 декември поради зголемувањето на цените и економската криза во неколку ирански градови.
Според американската група за човекови права HRANA, повеќе од 3.000 луѓе загинаа во протестите низ Иран, а по осумдневното затворање забележано е само мало зголемување на интернет активноста во земјата. HRANA соопшти дека потврдила 3.090 смртни случаи, вклучувајќи 2.885 демонстранти, додека жителите и државните медиуми велат дека безбедносните мерки во голема мера ги задушија протестите до
