WhatsApp, познат по своите чести подобрувања и ажурирања, исто така оди по овој пат. Најпопуларната апликација за пораки во светот ги тестира можностите за воведување чат-ботови со вештачка интелигенција уште поактивно отколку што е моментално.
Новите карактеристики на вештачката интелигенција беа забележани во бета верзијата (со ознака 2.25.1.24) на апликацијата Android, која сè уште е во фаза на тестирање и е достапна само за оние корисници кои се регистрирани како тестери.
Според веб-страницата WABetaInfo, чет-ботови со вештачка интелигенција кои се веќе достапни во некои верзии на WhatsApp во одредени земји, сега добија свој посебен „таб“ во апликацијата.
И како што може да се видат разговорите во едно, а „заедниците“ во друго, така и во новата бета верзија, до AI chatbot може да се пристапи и од сопственото јазиче. Со кликнување на него, корисникот добива опција да избере од повеќе „популарни ликови со вештачка интелигенција“ за разговор.
Покрај чет-ботови со вештачка интелигенција, WhatsApp се очекува да добие и други напредни функции за вештачка интелигенција во иднина, како што се генерирање слики и налепници, како и нови алатки за пребарување со вештачка интелигенција напојувани со Meta AI.
Мета претходно објави дека планира да воведе чет-ботови со вештачка интелигенција на сите свои популарни платформи: Фејсбук, Месинџер и Инстаграм. А тоа веројатно значи дека корисниците, очигледно, во иднина би можеле да имаат можност да создадат свои прилагодени ботови за вештачка интелигенција со кои би можеле да „разговараат“.
Дали новите функции, забележани во бета верзијата, официјално ќе оживеат, како и дали ќе бидат достапни во нашиот дел од светот, сè уште не е познато.
