На Есенскиот базар ќе можете да откриете еко производи, рачно изработен накит, кожни аксесоари, чанти, дрвени садови и украси, епоксидни уникати, рачно насликана керамика, ароматични свеќи и природна козметика.
Овој базар е платформа која ги поврзува локалните уметници со јавноста, промовирајќи ја креативната сцена на градот и одржливиот начин на живот. Посетителите ќе имаат прилика да ги запознаат авторите на производите и да научат повеќе за нивната креативност, како и да учествуваат во создавање на заедница која го поддржува рачно изработеното.
Меѓу излагачите се наоѓаат „Мама Органа“, која ги инспирира со „zero waste“ производи, „Fabulous Flame“ и „Zen.Zeal“ со нетоксични свеќи и етерични масла, „NICHE Wood Art“ со рачно изработени дрвени садови и многу други уметници кои го промовираат современиот и одржлив живот. Есенскиот базар ќе понуди и различни врсти на накит, кожни аксесоари и рачно насликани уметнички дела кои ќе го обогатат овој уникатен настан.
