Google тестира нова функција базирана на вештачка интелигенција која ветува дека засекогаш ќе го промени начинот на кој ја консумираме содржината на оваа платформа.
Ако некогаш сте се фатиле како нервозно притискате „премотај напред“ обидувајќи се да стигнете до еден важен момент во видео од 20 минути – Google има решение за вас.
Новата опција, која моментално е во фаза на тестирање, користи AI алгоритми за да ги идентификува најинтересните делови од видеото и им овозможува на корисниците директно да „скокнат“ во сржта на случувањата.
Системот анализира податоци за гледаност и однесување на милиони корисници за да предвиди кои делови од видеото навистина вредат за вашето внимание.
„Двојно кликни за скок“
Наместо класично премотување од 10 секунди, корисниците што учествуваат во тестирањето ќе имаат копче кое ги води директно до следниот „клучен момент“.
Функцијата е дизајнирана да прескокнува спонзорирани делови, долги воведи и непотребни повторувања.
Колку повеќе се гледа едно видео, толку AI попрецизно знае каде се наоѓа „најважното“.
Сепак, постои и една „квака“: функцијата засега е достапна само за YouTube Premium корисници, на Android уреди, и тоа на одредени пазари – главно во САД.
Иако сè уште е во експериментална фаза, првичните реакции се позитивни. Додека креаторите можеби се загрижени за намалено време на гледање, корисниците се воодушевени од идејата да заштедат време.
