Една од најпопуларните туристички дестинации во Италија – Венеција, нудеше можност луѓето да живеат во овој град и да работат за плата од 150 илјади евра годишно.
Венеција се доведе во ситуација да мора да бара возачи на гондолите кои ги шетаат туристите низ култните градски канали. Кандидатите мораа да имаат минимум 18 години, средно образование, да знаат да пливаат и да зборуваат италијански.
Тие кои ќе станат гондолиери прво ќе мора да поминат шестмесечна обука која чини околу 1000 евра, за 400 часа обука.
Венеција итно бараше илјада кандидати за оваа работа.
По завршувањето на обуката, кандидатите ќе добијат сертификат и дозвола за управување со гондола. Тие кои ќе ја добијат оваа работа ќе мора сами да ја одржуваат својата гондола до 11 метри.
Официјалната тарифа за 30-минутно возење е 80 евра. Цената на возење по 19 часот се качува и до 100 евра. Ако сакате гондолиерот да пее или да свири инструмент додека вози, се плаќа дополнително.
