Електричните и хибридните автомобили носат бројни еколошки и економски предности, но едно од прашањата што се поставува сè почесто е дали нивната употреба може да има негативни последици за здравјето на возачот и патниците?
Со оглед на тоа што работат на електрична енергија и користат моќни литиум-јонски батерии, се поставува прашањето за нивото на електромагнетно зрачење и безбедноста на престојот во возилото за време на полнење на батеријата.
Електромагнетно зрачење – дали има причина за загриженост?
Секој електричен уред, вклучувајќи ги и електричните и хибридните автомобили, емитува електромагнетно поле. Ова поле настанува поради работата на електричниот мотор, системот за полнење и самата батерија.
Истражувањата спроведени од институции како Светската здравствена организација и Меѓународната комисија за заштита од нејонизирачко зрачење покажале дека електромагнетното зрачење во електричните возила останува далеку под дозволените безбедносни граници.
Студија спроведена на Техничкиот универзитет во Минхен покажала дека електромагнетното зрачење во електричните и хибридните возила е на ниво слично на оној што го емитуваат домашни уреди како што се микробрановите печки и лаптопите. Исто така, Националниот институт за здравје во САД наведува дека електромагнетните полиња во електричните возила не се докажано штетни за човечкото здравје.
Интересно е дека и автомобилите со внатрешно согорување генерираат електромагнетно зрачење поради алтернаторот, електричните инсталации и палежот на моторот. Во многу случаи, истражувањата покажуваат дека разликите во електромагнетното зрачење помеѓу електричните и бензинските автомобили не се драстични, пишува порталот Supertest.rs.
Студија на Шведскиот институт за работна средина (IVL) покажала дека електромагнетното зрачење во електричните возила не е значително поголемо од оној во класичните автомобили, а во некои случаи е дури и пониско.
Дали постои ризик за здравјето?
Според Светската здравствена организација, нема доволно докази дека електромагнетните полиња на фреквенциите што ги генерираат електричните возила можат да имаат штетни последици за човечкото здравје. Исто така, Американската агенција за заштита на животната средина и Националниот институт за здравје наведуваат дека нивото на зрачење во електричните автомобили не претставува ризик за возачите и патниците.
Дали е безбедно да се биде во електричен автомобил додека се полни батеријата?
Уште едно често прашање е дали е безбедно да се седи во електричен автомобил додека се полни батеријата. Тестирањата покажале дека електромагнетното поле што настанува за време на полнењето на автомобилот е со понизок интензитет од оној на мобилните телефони и Wi-Fi рутерите, што значи дека не претставува значаен ризик за човечкото здравје.
Покрај тоа, Американската агенција за заштита на животната средина и Европската агенција за хемикалии наведуваат дека системите за полнење се дизајнирани така што спречуваат било каков ризик за здравјето на патниците. Електричните возила имаат повеќеслојни заштити кои ја елиминираат опасноста од електричен удар и прегревање на батериите.
