Најновата анализа на националните и климатските планови покажа дека 12 земји од Европската унија нема да ги исполнат своите национални цели според Регулативата за споделување напор (ESR), освен ако не се преземат итни мерки.
Според веб-страницата Transport & Environment, уште седум земји се изложени на ризик да не ги постигнат своите цели.
Најлошо позиционирани земји се Германија и Италија. Проценките се дека Германија е зад целта за 10 отсто, а Италија за 7,7 отсто.
Доколку овие две земји не ги исполнат своите цели поврзани со намалување на емисиите на CO2, тие би можеле да ги искористат сите достапни кредити за јаглерод што се достапни за трговија меѓу земјите од Европската унија. Тоа значи дека другите земји може да се најдат во незавидна положба, соочени со правни постапки. Да се разјасни, другите земји кои ќе успеат да ги исполнат своите цели можеби нема да можат да купат доволно кредити за да ги надоместат нивните емисии.
Доколку дојде до таква ситуација, како што е објаснето, Германија и Италија би морале да купат јаглеродни кредити од други земји од Европската унија кои ги исполниле своите цели. На овој начин тие ќе го компензираат вишокот на нивните емисии. Некои проценки се дека Германија би можела да плати повеќе од 16 милијарди евра за купување, а Италија околу 15,5 милијарди евра.
Од Transport & Environment предупредуваат дека ваквата ситуација може да доведе до недостиг на кредити на пазарот, што може дополнително да ги зголеми цените. Исто така, тоа може да доведе до тоа другите земји да имаат тешки услови за исполнување на нивните обврски поврзани со намалување на емисиите на CO2.
Од другата страна на скалата, се Шпанија, Грција и Полска, кои најверојатно ќе ги надминат целите за намалување на емисијата на CO2 до 2030 година. На овој начин, трите споменати земји би можеле да профитираат од продажбата на вишокот јаглеродни кредити на други земји.
За потсетување, вкупната цел на емисиите е намалување од 40 проценти до 2030 година во секторите патен транспорт, отпад, згради, земјоделство и мали индустриски сектори.
Фото: pexels
