Овошјето, како и зеленчукот, е богато со корисни и здрави нутриенти кои позитивно влијаат на целокупното здравје. Откако нутриционистите открија кои се најздравите видови на зеленчук што треба да ги јадете, сега истото го направија и со овошјето. Кога станува збор за дневната консумација на овошје, препораката е да јадете две различни видови овошје секој ден.
Тоа е полно со есенцијални витамини, минерали, влакна и фитонутриенти и е основа на урамнотежена исхрана. Јадењето на повеќе овошје е еден од наједноставните и најефикасни начини за поддршка на целокупното здравје, управување со тежината и потенцијално продолжување на животниот век, пишуваат од Eat This, Not That.
Нутриционистите ги издвоија десетте најздрави видови овошје кои треба да ги јадете често. Во продолжение ги откриваме овие омилени намирници.
Јаболка
Јаболката се богати со хранливи материи како што се витамин Ц, влакна и моќни антиоксиданти, вклучувајќи флавоноиди и фенолните киселини. Редовната консумација на ова овошје е поврзана со намален ризик од развој на срцеви болести, пишува Eat This, Not That.
Според истражување објавено во списанието American Journal of Clinical Nutrition, жените кои најмногу консумирале јаболка, имале 13 до 22 проценти помал ризик од кардиоваскуларни болести. Освен што поддржуваат здравје на срцето, јаболките можат да помогнат во управувањето со тежината, да го намалат ризикот од одредени видови рак и да заштитат од астма, дијабетес тип 2 и когнитивно опаѓање кај постарите лица.
Боровинки
Боровинките често се нарекуваат супервошје поради импресивните здравствени придобивки. Тие се полни со антиоксиданти кои им даваат живописна сина боја и помагаат во намалувањето на ризикот од хронични болести и забавување на процесот на стареење, тврди диететичарката Џули Аптон.
Истражувањата покажуваат дека редовната консумација на боровинки го намалува ризикот од срцеви болести, дијабетес тип 2, системски воспаленија, глауком и когнитивни и мемориски падови поврзани со стареењето, според истражувањето во списанието Advances in Nutrition, пренесува Eat This, Not That.
Шипка
Шипката е богата со витамин Ц, калиум, витамин К и биоактивни полифеноли кои делуваат како моќни антиоксиданти, намалувајќи го ризикот од хронични болести. Ова овошје е едно од оние кои се најмногу истражувани, пишуваат од Eat This, Not That и додаваат дека досега се направени повеќе од илјада истражувања и трудови за придобивките од шипката.
Портокали
Портокалите се полни со есенцијални хранливи материи, вклучувајќи витамини Ц и А, калиум, калциум, влакна и витамини од групата Б. Студиите покажуваат дека портокалите можат да го зајакнат имунитетот, да го подобрат здравјето на кожата и да го намалат ризикот од кардиоваскуларни болести. Прегледна студија, објавена во списанието Nutrients, нагласува како единствените фитонутриенти во цитрусите можат да го поддржат поздравиот цревен микробиом.
Јагоди
Диететичарката тврди дека „една порција од осум јагоди обезбедува повеќе витамин Ц отколку портокал и е полна со антиоксиданти и есенцијални хранливи материи како калциум, фолна киселина и влакна“.
Јагодите се корисни за здравјето на срцето, управување со тежината и подобрување на цревната микробиота, а исто така можат да го забават когнитивното опаѓање. Истражувањето спроведено на Rush University Medical Center покажа дека постарите испитаници кои најмногу консумирале јагоди имале 34% помал ризик од развој на Алцхајмерова болест за време на истражувањето.
Малини
Малините се богати со витамин Ц, калиум, магнезиум, витамини од групата Б и антиоксиданти. Антиоксидансите во малините, како што е елагичната киселина, имаат антиканцерогени својства, додека антосианините ја поддржуваат здравјето на срцето и штитат од дијабетес тип 2, дебелина и когнитивно опаѓање поврзано со стареењето, според истражувањето објавено во списанието Advances in Nutrition.
Чаша малини содржи дури осум грама влакна, што е повеќе од повеќето овошја, па се одличен избор за подолг осеќај на ситост и подобрување на здравјето на дигестивниот систем.
Грозје
„Грозјето е едно од најдобрите овошја што можете да го додадете во вашата исхрана“, истакнува диететичарката. Ова нискокалорично овошје содржи витамин К, калциум, влакна и биоактивни флавоноиди кои му даваат на грозјето неговата живописна црвена боја.
Според истражување објавено во списанието Oxidative Medicine and Cellular Longevity, флавоноидот ресвератрол присутен во грозјето, боровинките и купините дава многу предности, пренесува Eat This, Not That.
Мангo
Мангото содржи повеќе од 20 есенцијални витамини и минерали и нуди многу здравствени придобивки, од намалување на воспаленијата до помал ризик од срцеви болести и дијабетес тип 2. Една чаша свежо манго обезбедува сто проценти од дневните потреби за витамин Ц, што го поддржува силниот имунолошки систем, здравите заби и десни, како и производството на колаген за еластична кожа. Мангото е исто така богато со влакна кои помагаат да се задржи чувството на ситост подолго.
Цреши
Црешите се богати со влакна и калиум и природно нискокалорични, со околу сто калории по чаша. Нивната длабока црвена боја доаѓа од антосианините, моќни соединенија кои нудат многу здравствени придобивки. Според преглед објавен во списанието Nutrients, антосианините можат да го намалат болката и воспаленијата, да го подобрат спиењето, да го намалат нивото на маркери поврзани со срцеви болести и дијабетес тип 2 и да ублажат воспаленијата во телото, пренесува Eat This, Not That.
Дина
Дината е едно од најздравите овошја кои можете да ги вклучите во вашата исхрана. Една чаша има само 50 калории и обезбедува влакна, калиум, витамин Ц, фолна киселина, витамин К, калциум, магнезиум, лутеин, зеаксантин и бета-каротин, според податоците на USDA.
Со околу 90% воден садржински дел, дината е хидрирачка и заситувачка. Таа исто така содржи хранливи материи кои се корисни за здравјето на срцето и каротеноиди како лутеин и зеаксантин кои можат да помогнат во заштитата од старечка макуларна дегенерација, водечка причина за слепило кај постарите лица.
