Често имаме желба за некоја помала ужина во текот на денот или навечер и не знаеме што да земеме. Чипс, солени крекери и други солени грицки можат негативно да влијаат на лицата со повишен крвен притисок, бидејќи содржат многу натриум кој може да го зголеми крвниот притисок. Хранливата ужина може да не држи сити помеѓу оброците и да го спречи будењето среде ноќ поради глад, па диететичарите препорачуваат консумирање кефир.
Кефирот е ферментиран млечен пијалок со блага киселкастост, богат со пробиотици, магнезиум и калиум, кои помагаат во намалување на крвниот притисок и ја поддржуваат здравјето.
Кефирот е достапен во облик на нискомасен и полномасен. Лесно може да се додадат слатки додатоци како што се малини или боровинки, јагоди и слично.
Пробиотици
Кефирот е богат со корисни бактерии кои го подобруваат варењето, рамнотежата на цревната микрофлора и здравјето на срцето, помагајќи во намалување на крвниот притисок и холестеролот, пишува EatingWell.
Калиум
Чашата кефир содржи скоро исто толку калиум колку и банана, што помага во релаксација на крвните садови и намалување на притисокот.
Магнезиум
Кефирот содржи магнезиум, кој ги опушта крвните садови и овозможува подобар сон, што е важно за регулирање на крвниот притисок.
Низок удел на сол
Кефирот е природно сиромашен со натриум, со 97 мг по чаша, што го прави одличен избор за лица со хипертензија.
