Минатата 2022 година беше година на рекорди во поглед на климата во Европа. Летото беше рекордно жешко со температури над 45 степени Целзиусови, со бројни смртни случаи поврзани со топлина, суша и пожари. Досегашните предвидувања за 2023 година се кон уште една рекордна година на топлотни бранови.
Годишниот извештај за 2022 година од CAMS (Коперник – служба за набљудување на атмосферата) покажува дека научниците веруваат дека екстремната топлина ќе стане уште полоша во јужна Европа, а предупредувањето за суша ова лето е веќе објавено.
Највисоката забележана температура во Европа на сите времиња била на Сицилија во 2021 година (48,8 ° C). Сепак, со зголемувањето на просечните температури, можеби е прашање на време кога Европа ќе надмине 50 степени Целзиусови, според CAMS.
Јужните делови на Европа веќе се подготвуваат за екстремно лето со континуирана суша и недостиг на вода. Во Шпанија, на 11 мај беше договорен историски пакет од над 2 милијарди евра за поддршка на земјоделството и индустријата по најсувиот април забележан во земјата. Шпанија, исто така, одлучи да забрани секаква работа на отворено кога властите сметаат дека температурите се опасно високи.
Водоснабдувањето во Франција ќе се намали до 40 отсто до 2050 година, изјави претседателот на земјата Емануел Макрон, кој многу инвестира во обезбедувањето на водата во земјата.
Франција има голем број на базени (1 базен на 38 жители), а властите бараат начини да воведат ограничувања за користење на водата. Во Јужна Франција се воведени некои сериозни нови правила: миењето автомобили и базените се забранети во некои области со цел да се заштеди вода. Во Париз, властите го подготвуваат градот со засадување дрвја за повеќе сенка и зелени површини за да го одржат градот ладен.
