Ако на контролната табла се запали жолтото светло, што сигнализира дека вашето возило е на резерва, некои возачи ќе се испаничат, додека други вешто ќе ја исцедат последната капка гориво од резервоарот. Но, тоа не се препорачува, бидејќи честото возење со минимално количество гориво може да ја оштети пумпата за гориво, а исто така и филтерот за гориво во кој може да влезат ситни нечистотии или седимент од дното на резервоарот.
Колку далеку автомобилот може да оди со резерва?
Постојат многу мерења и истражувања, но само вие знаете колку просечно троши вашето возило, а тоа е најважниот податок.
Се претпоставува дека во резервоарот останале околу 5 литри гориво, но најлесниот начин да добиете точна количина е следниот: кога ќе се активира сијаличката за резервата, брзо одете до бензинска пумпа, наполнете го резервоарот до врв и одземете го тој број од капацитетот на резервоарот според фабричките податоци (на пример, 55 минус 49). Така ќе го добиете преостанатото количество гориво во резервоарот откако ќе се запали светлото. Погледнете ја просечната потрошувачка и споредете ја со количината гориво која останала во резервоарот.
Со некои возила можете да патувате повеќе од 70 км со резерва, додека со други помалку од 40 км. Сè зависи од вашиот стил на возење, дали возите во град или на автопат, каде што се троши повеќе гориво, или на патишта со ограничување од 80 км/ч, каде што ќе бидете најекономични. Меѓутоа, за ваш мир и безбедност, секогаш е добро да знаете колку гориво ви останало во резервоарот откако ќе се запали жутото светло.
