Иако експертите препорачуваат кафето да не се пие на празен стомак, постои едноставен додаток кој ја претвора утринската навика во вистински сојузник на дигестивното здравје. Според американскиот гастроентеролог Џозеф Салхаб, кафето во комбинација со само една лажичка какао може значително да го подобри функционирањето на цревата и да ја засили активноста на „добрите“ бактерии.
Салхаб објаснува дека полифенолите од кафето природно ја хранат корисната микрофлора, додека какаото – еден од најбогатите природни извори на полифеноли – го засилува овој ефект повеќекратно. Кога се соединети, кафето и какаото делуваат синергиски, поддржувајќи рамнотежа во цревната флора и подобра пробава.
Какаото е богато и со диететски влакна, клучни за редовно празнење и здраво варење. Како што појаснуваат нутриционистите, возрасните треба да внесуваат од 25 до 38 грама влакна дневно – бројка која ретко се постигнува со вообичаениот дневен режим на исхрана. Додавањето една до две лажички какао во утринското кафе е едноставен начин да се зголеми овој внес и да се поттикне природното работeње на цревата.
Освен што ја подобрува дигестијата, оваа комбинација делува и на концентрацијата. Кофеинот од кафето и теоброминот од какаото создаваат стабилен извор на енергија, без ненадејните „падови“ карактеристични за шеќерните пијалаци. Истражувањата за невропротективните својства на какаото допрва ја зајакнуваат тезата дека неговите флавоноиди имаат позитивно влијание врз мозочната функција и когнитивната острина.
Многумина веднаш забележуваат подобрување – чувство на леснотија, редовна пробава, како и намалена подуеност. Но, доколку чувствувате непријатност по пиeње кафе, причината често не е во самото кафе туку во додатоците: млеко, павлака и засладувачи може да предизвикаат надуеност кај чувствителни лица.
Луѓето со синдром на иритабилно црево или воспалителни заболувања на дигестивниот тракт може да бидат посензитивни на кофеинот, но за повеќето лица комбинацијата кафе + какао останува безбедна, природна и корисна.
Овој едноставен ритуал не само што го подобрува варењето, туку претставува и мало утринско „инвестирање“ во здравјето на целокупниот гастроинтестинален систем.
