Израел започна уште еден широк бран напади врз цели во западен Иран, соопштија израелските одбранбени сили. Министерството за здравство на Израел објави дека во последните 24 часа 108 лица се однесени во болница поради повреди, од кои 96 имале полесни, двајца умерени, а девет се на понатамошна лекарска проверка, пренесува Би-Би-Си. Од почетокот на конфликтот, вкупно 3.195 лица биле згрижени во болница поради повреди
Иранскиот министер за надворешни работи, Абас Арагчи, во интервју за „Алараби Алџадид“ изјави дека врховниот лидер Моџтаба Хамнеи е во добра здравствена состојба и „целосно ја контролира ситуацијата“. Неговото прво јавно обраќање беше емитувано на 12 март од државните медиуми и прочитано од презентер
Во меѓувреме, властите во иранскиот град Урмија уапсија 20 лица обвинети за испраќање информации за воени, полициски и безбедносни локации на Израел. Новинската агенција Тасним, поврзана со Корпусот на Исламската револуционерна гарда, соопшти дека биле погодени мрежи на платеници поврзани со израелски агенти и дека приведувањето на осомничените се извршило по судска наредба
Израелското министерство за одбрана нагласува дека нападите се насочени кон воени и стратешки цели во западен Иран и претставуваат дел од континуираното дејствување за заштита на националната безбедност на Израел. Конфликтот дополнително ја зголемува напнатоста во регионот, додека меѓународните посредници апелираат за смирување и дипломатски пристап
Иран продолжува да ја истражува безбедносната ситуација и ја поздравува секоја „регионална иницијатива што води кон фер крај на војната“, при што Хормуз е отворен за соработка со сите освен со американските бродови и сојузниците на САД. Ситуацијата останува кревка и непредвидлива, додека населението во западниот дел на Иран се соочува со последици од нападите и засилените безбедносни мерки
