Белгиското Совет за национална безбедност ќе одржи итен состанок денеска поради серија инциденти со дронови што предизвикаа хаос во воздушниот сообраќај и загриженост за националната безбедност, пренесе The Guardian.
Во вторник навечер, летовите на меѓународниот аеродром во Брисел беа прекинати со часови откако неколку неидентификувани дронови беа забележани во близина на пистите. Инцидентот доведе до откажување на 95 летови и заглавување на 400–500 патници кои ја поминале ноќта во терминалите.
Хаос во воздушниот сообраќај
Проблемите продолжија и следниот ден, бидејќи повеќе авиони останале на погрешни локации, што предизвика доцнења и преусмерувања.
Покрај Брисел, затворен бил и воздушниот простор над аеродромот во Лиеж, важно европско карго-центариште, што дополнително го влошило застојот во транспортот.
Дронови и над воени бази
Паралелно, градоначалникот на Диест, во Фландрија, изјави дека полицијата и војската забележале четири дрона во близина на воздушната база Шафен.
Белгиските власти исто така истрагуваат и претходни случаи од викендот, кога дронови биле видени над базата Клајне-Брогел, каде што се распоредени борбени авиони F-16 и, според повеќе извори, се чува американско нуклеарно оружје.
Сомнеж за координиран „хибриден напад“
Министерот за одбрана Тео Франкен изјави пред парламентот дека инцидентите изгледаат координирани, со цел да предизвикаат дестабилизација и нарушување на инфраструктурата.
Белгиските безбедносни служби не ја исклучуваат можноста дека станува збор за „хибридна операција“, која комбинира технолошки саботажи и психолошки притисок врз институциите.
Белгиските власти најавија засилено присуство на воени и полициски патроли околу стратешки објекти и аеродроми, додека истрагата за потеклото на дроновите продолжува.
