Сунитската екстремистичка група Џаиш ал-Адл презеде одговорност за вооружен напад врз судска зграда во провинцијата Систан-Балуџистан во западен Иран, јавуваат иранските медиуми.
Нападот се случил во градот Захедан, главниот град на провинцијата.
Агенцијата „Мехр“ јави дека неколку лица се префрлени во болница, а организацијата за човекови права HAALVSH извести дека има жртви меѓу судиите и безбедносните сили.
Систан-Балуџистан, провинција во југоисточен Иран која граничи со Пакистан и Авганистан, е населена претежно со сунитското малцинство Балуџи. Жителите долги години се жалат на политичка маргинализација и економска запоставеност.
Во овој регион на Иран чести се судирите меѓу безбедносните сили и вооружени групи, меѓу кои и екстремисти и сепаратисти. Иранските власти редовно ги обвинуваат овие групи за врски со странски сили и вмешаност во шверц и вооружени бунтови.
Ситуацијата во Иран се уште е нестабилна имајќи предвид дека до пред две недели оваа држава и Израел воено се судрија.
