Иран е речиси целосно отсечен од интернетот повеќе од 360 часа, објави организацијата за следење интернет-прекини NetBlocks.
„Иранското исклучување на интернетот влезе во 16. ден и сега трае веќе третата недела“, соопшти NetBlocks на платформата X.
Според нивните податоци, пристапот до мрежата не е еднаков за сите. Додека поголемиот дел од населението е блокиран, дел од „одбраните инфлуенсери“ сепак можат да користат интернет.
Селективен пристап до интернет
Даг Мадори, експерт за прекини на интернет, за CNN изјави дека Иран користи систем на селективен пристап:
„Се чини дека системот на таканареченото ‘whitelisting’ овозможува ограничен пристап на избрани корисници, додека пошироката популација е блокирана.“
Во петок, иранските власти објавија дека во покраината Фарс уапсиле 37-годишен маж кој наводно нудел неограничен пристап до интернет преку уредот Starlink, според извештај на државната агенција ISNA.
Starlink, сателитска интернет мрежа на Елон Маск, во последните години претставува еден од ретките начини на кои Иранците можат да комуницираат со надворешниот свет.
Можен влијание од напади на инфраструктура
Иако големиот пад на интернет-протокот се поврзува главно со мерките на иранските власти, Мадори предупредува дека дополнителни проблеми може да предизвикаат и американско-израелските напади.
Според него, тие напади можат да оштетат заедничка инфраструктура, како оптички кабли, или да предизвикаат прекини во снабдувањето со електрична енергија.
