Иранскиот министер за надворешни работи Абас Аракчи денеска го повика генералниот секретар на Обединетите нации Антонио Гутереш да спречи повторно активирање на механизмите за санкции кон Иран, кои беа повторно воведени од страна на ОН.
Во писмо објавено на платформата Х (поранешен Твитер), Аракчи порача: „Го повикуваме генералниот секретар да спречи каков било обид за оживување на механизмите за санкции, вклучувајќи го и Комитетот за санкции и Панелот на експерти.“
Тој истакна дека Иран нема да признае ниту еден обид за продолжување, повторно активирање или спроведување на санкции кои потекнуваат од претходните одлуки на Советот за безбедност на ОН.
Изјавава доаѓа во време на зголемени тензии меѓу Иран и западните земји, особено поради неуспешните обиди за оживување на Нуклеарниот договор од 2015 година (JCPOA), од кој САД се повлекоа во 2018 година.
