Според информациите од Центарот за управување со кризи, се работи за две жени на возраст од 16 и 26 години.
Сестрата на помладото девојче, која била на лице место, во видно вознемирена состојба го повикала бројот за итни повици 112 околу 16:42 часот. Итната медицинска помош од Велес ја потврди информацијата и побара веднаш да се активираат спасувачки тимови.
Центарот за управување со кризи брзо ги извести Министерството за внатрешни работи, Оперативниот центар на Генералштабот и Дирекцијата за заштита и спасување, кои во моментов работат на терен.
Полицијата веќе користи чамци за пребарување на водите на Вардар, при што 26-годишната жена е пронајдена жива и безбедна, додека потрагата по 16-годишното девојче продолжува.
Надлежните апелираат до граѓаните да ја следат состојбата и да ги почитуваат безбедносните препораки.
