Instagram воведе нова функција што им овозможува на корисниците да ги уредуваат сопствените коментари под објави, без да мораат да ги бришат и повторно да ги пишуваат. Опцијата важи само во рок од 15 минути по објавувањето на коментарот, а во тој период измените може да се прават повеќепати.
Постапката е едноставна. Под сопствениот коментар сега се појавува копчето „Edit“, по што корисникот може да го отвори текстот, да го коригира и повторно да го зачува. Уредените коментари се означени со мала ознака дека се изменети, но другите корисници не можат да ја видат првичната верзија.
Оваа промена доаѓа како дел од пошироката серија нови функции што Meta ги тестира или воведува на Instagram. Меѓу нив е и тестирањето на услугата Instagram Plus, нов претплатнички модел со дополнителни можности за Stories.
Во исто време, Meta веќе потврди и дека од 8 мај 2026 ќе ја укине end-to-end енкрипцијата во директните пораки на Instagram, што предизвика посебно внимание во јавноста.
