Во светот постои цела низа намирници кои се толку скапи што многу луѓе никогаш не ги пробуваат. Овие намирници не се наменети за секојдневни оброци и обично и најбогатите луѓе уживаат во нив во помали количини.
Шафран
Шафранот е најскапиот зачин во светот, а цената за половина килограм достигнува околу 1.250 евра. Цената е делумно оправдана кога ќе се земе предвид фактот дека за половина килограм шафран е потребно да има 75.000 цветови.
Цветот на шафран цвета само една недела годишно и собирањето на овој зачин е многу профитабилна, но напорна работа.
Фугу риба
За една порција фугу риба во Јапонија треба да потрошите околу 400 евра. Оваа риба не е загрозена или тешко се фаќа, но тајната на високата цена лежи во подготовката. Рибата фугу содржи смртоносен отров и само најголемите експерти можат да го подготват за јадење. Готвачите мора прво да поминат тригодишно образование за да можат да работат со рибата фугу, а сето тоа се одразува на цената.
Денсуке лубеница
Тешко е да се поверува дека една лубеница може да достигне цена од 5.000 евра, но токму такви лубеници се продаваат во Јапонија. Бидејќи е лубеница која бара многу простор и неколкумесечна интензивна нега, во Јапонија се продава на специјализирани аукции и се консумира само за посебни пригоди, како што се свадби.
Бели тартуфи
Црните тартуфи се познати како „црни дијаманти“, но белите тартуфи се уште поскапи. Во природата особено ги има во Италија, а може да се најдат и во Хрватска, особено на Истра. За да се најде оваа вредна храна се користат обучени кучиња и свињи, а процесот на тренирање е доста напорен. За половина килограм свежи бели тартуфи потребно е да се издвојат околу 8.600 евра.
Кобе говедско
Друг скап деликатес што доаѓа од Јапонија е говедското месо кобе. Станува збор за парче црно говедско месо со маснотии што доаѓа од провинцијата Хјого. Митови за тоа како животните се масираат и се хранат со пиво за да се добие кобе говедското месо не се точни, но процесот на одгледување и производство е навистина многу ригорозен. Токму затоа едно говедо може да достигне цена и од 330.000 евра.
Туна синоперка
Оваа популарна риба на јапонските пазари достигнува цена од над 3.500 евра за половина килограм, а на почетокот на 2020 година туна тешка 270 килограми беше продадена за рекордни 1,5 милиони евра. Цените на туната синоперка во иднина само ќе се зголемуваат бидејќи станува збор за риба која речиси исчезна од океанот поради прекумерниот риболов.
Извор: svet.rs
