Тие не секогаш се лесни за љубење, но речиси е невозможно да се заборават. Ова се хороскопските знаци за кои најчесто велиме – „ме скрши“.
Близнаци
Близнаците знаат што да кажат, кога да го кажат и како да заведат – со поглед или со зборови. Нивниот интелект, хумор и социјална енергија маѓепсуваат на прва. Но, колку брзо се возбудуваат, толку брзо им станува и здодевно. Рутината за нив е смртна казна, а потребата за промена – секојдневие. Мнозина паѓаат на нивниот шарм, но малкумина остануваат доволно долго во нивното срце за да изградат нешто трајно.
Лав
Лавовите се харизматични, самоуверени и знаат како да се прикажат како совршени партнери. Кога сакаат – сакаат гласно и со гестови кои се паметат. Но, ако почувствуваат дека не се во центарот на вниманието или дека не добиваат доволно љубов, се повлекуваат одеднаш – без најави. Нивното заминување често е драматично и болно.
Шкорпија
Љубовта на Шкорпиите е длабока, страстна и незаборавна. Но токму таа интензивност може да биде извор на болка. Тие сакаат силно, но и анализираат, тестираат, контролираат. Ако почувствуваат предавство или дека интересот исчезнува, се затвораат во себе и исчезнуваат – без збор. Нивната тишина по блискост знае да боли повеќе од било која караница.
Стрелец
Стрелците се топли, забавни и неодоливи. Нивниот оптимизам и љубов кон авантурата освојуваат веднаш. Но, тие не поднесуваат ограничувања. Во врските им треба слобода, простор и возбуда. Кога ќе почувствуваат дека некој сака да ги „врзе“ или забави нивното темпо – едноставно се свртуваат и заминуваат. Често со насмевка и без злоба, но сепак – болат.
Срцето сака кого сака – но не секогаш добива возврат она што го дава. Ако некој од овие знаци ве освоил и потоа оставил скршени, не сте сами.
Извор: Index.hr
