Honor додаде уште еден преклопен уред во својата понуда Magic V, а станува збор за наследник на минатогодишниот модел Magic V2, кој го носи името Magic Vs2.
Новиот Magic Vs2 има подобрена рамка од магнезиум и нова Luban титаниумска шарка, а резултатот е неверојатно тенок паметен телефон кој тежи само 229 грама. Тоа значи дека е полесен од моделот Magic V2 кој тежи 231 грам.
Дебелината на новиот паметен телефон е 10,7 мм кога е преклопен или 5,1 мм кога е отворен. Има 6,43-инчен LTPO OLED надворешен екран со резолуција од 1.060 x 2.376 пиксели, формат 20:9 и брзина на освежување од 1-120 Hz. Од Honor тврдат дека максималната осветленост на надворешниот екран достигнува 2.500 кандели.
Големината на внатрешниот екран е 7,9 инчи, двата панела поддржуваат HDR 10+ и имаат предни камери од 16 MP сместени во исечоци со дупки. Magic Vs2 поддржува и „паметно“ пенкало во случај на двата екрана.
Уредот се напојува со процесор Snapdragon 8+ Gen 1 поврзан со 12 или 16 GB RAM и 256 или 512 GB внатрешна меморија. На задната страна се наоѓа главна камера од 50 MP, телефото од 20 MP со оптички зум од 2,5x и ултра широка камера од 12 MP.
Што се однесува до софтверот, паметниот телефон користи MagicOS 7.2 базиран на Android 13 со неколку подобрувања за големиот екран, како што е мултитаскинг со поделен екран, отворање на два примерока од истата апликација рамо до рамо, како и Free hoover режим што ги дели двете половини на екранот за искуство како лаптоп достапно за поддржани апликации. Уредот се напојува од батерија со капацитет од 5.000 маха, која поддржува брзо жично полнење од 66 вати.
Magic Vs2 е достапен во Velvet црна, Glacier сина и Coral виолетова, а цените се 958 долари и 1.054 долари во зависност од моделот што ќе го изберете.
Извор: klix.ba
