есетици илјади луѓе вчера излегоа на улиците на Лисабон во знак на протест против предложената реформа на трудовото законодавство, иницирана од владата на премиерот Луис Монтенегро.
Протестот беше организиран од главниот синдикат на земјата (CGTP), кој изрази несогласување со мерките кои, според владата предводена од десноцентристичкиот Демократски сојуз, имаат за цел да ја зголемат продуктивноста и флексибилноста на пазарот на трудот.
Илјадници демонстранти маршираа низ португалската престолнина со транспаренти на кои пишуваше „Не за реформата во трудовото законодавство“ и извикуваа слогани како „Нема да отстапиме, овој план мора да се отфрли“.
– „Овој проект е еден од најголемите напади врз работниците што некогаш биле извршени во Португалија“, изјави генералниот секретар на CGTP, Тиаго Оливеира. – „Доколку биде имплементиран, тоа ќе значи вистинско назадување во животот на секој од нас.“
Предлог-законот предвидува олеснување на отпуштањето на вработените, ограничување на периодот во кој доилките можат да користат флексибилно работно време, како и скратување на отсуството поради спонтан абортус.
Во моментов, минималната плата во Португалија изнесува 870 евра месечно, но демонстрантите бараат таа да се зголеми на 1.050 евра до 2026 година.
Монтенегро ја предводи малцинската влада во земјата со население од 10,6 милиони луѓе. Доколку предлог-законот биде усвоен, тој ќе биде испратен до Парламентот, каде што се очекува поддршка од екстремно десничарската партија ШЕГА, најголемата опозициска партија.
Организаторите на протестот најавија дека ќе свикаат генерален национален штрајк на 11 декември.
